Art. 484 D. Legat
1 Il testader po far ina donaziun ad ina persuna sut il titel d’in legat, senza l’instituir sco ertavel.
2 El po assegnar a questa persuna ina singula chaussa da l’ierta, la giudida da l’entira ierta u d’ina part da tala ubain incumbensar ils ertavels u ils legataris da furnir prestaziuns per ella or da la valur da l’ierta u da deliberar ella d’obligaziuns.
3 Sch’il testader assegna ina tscherta chaussa che na tutga betg tar l’ierta, è il debitur deliber , nun che la disposiziun cuntegnia in’autra voluntad dal testader.
Es besteht kein Anspruch auf Aktualität und Vollständigkeit/Richtigkeit.
