Art. 48 C. Disposiziuns executivas I. Dretg federal
1 Il Cussegl federal decretescha las disposiziuns executivas.
2 El regla cunzunt:1. ils registers che ston vegnir manads e las indicaziuns che ston vegnir inscrittas;2. il diever dal numer da la AVS (1) tenor l’artitgel 50c da la Lescha federala dals 20 da december 1946 (2) davart l’assicuranza per vegls e survivents per barattar en furma electronica las datas tranter ils registers uffizials da persunas;3. l’administraziun dal register;4. la surveglianza. (3)
3 Per garantir in’execuziun fidada e professiunala po il Cussegl federal decretar pretensiuns minimalas a la scolaziun ed a la furmaziun supplementara da las persunas che lavuran en il sectur dal stadi civil sco er al grad d’occupaziun dals funcziunaris dal stadi civil.
4 El fixescha las taxas che ston vegnir incassadas en il sectur dal stadi civil.
5 El determinescha las premissas, tenor las qualas igl è admess, sin via electronica, da:1. annunziar cas dal stadi civil;2. far decleraziuns davart il stadi civil;3. trametter communicaziuns ed extracts dal register. (4)
(1) Expressiun tenor la cifra 2 da l’agiunta da la LF dals 18 da dec. 2020 (diever sistematic dal numer da la AVS tras las autoritads), en vigur dapi il 1. da schan. 2022 ([AS 2021 758]; [BBl 2019 7359]). Questa midada è vegnida fatga en las disposiziuns numnadas en la AS.
(2) [SR 831.10]
(3) Versiun tenor la cifra 2 da l’agiunta da la LF dals 23 da zer. 2006 davart l’armonisaziun dals registers, en vigur dapi il 1. da schan. 2008 ([AS 2006 4165]; [BBl 2006 427]).
(4) Integr tras la cifra I da la LF dals 5 d’oct. 2001 (administraziun electronica dal register dal stadi civil), en vigur dapi il 1. da fan. 2004 ([AS 2004 2911]; [BBl 2001 1639]).
Es besteht kein Anspruch auf Aktualität und Vollständigkeit/Richtigkeit.
