Art. 468 Obligaziun da l’assegn
1 L’assegn che declera al retschavider da l’assegnaziun d’acceptar quella senza resalva, è oblig da far il pajament, e cunter quel po el far mo talas objecziuns che resultan tras lur relaziuns persunalas u tras il cuntegn da l’assegnaziun sezza, dentant betg talas che resultan tras sia relaziun cun l’assegnader.
2 Uschenavant che l’assegn è debitur da l’assegnader ed uschenavant che sia situaziun na vegn insumma betg pegiurada tras quai, ch’el duai far in pajament al retschavider da l’assegnaziun, è el oblig da far il pajament a quel.
3 Da declerar ch’el acceptia l’assegnaziun avant ch’il pajament è fatg, n’è l’assegn oblig gnanc en quest cas, nun ch’el haja concludì il cuntrari cun l’assegnader.
Es besteht kein Anspruch auf Aktualität und Vollständigkeit/Richtigkeit.
