CCS Art. 459 -

Einleitung zur Rechtsnorm CCS:

Art. 459 III. Tschep dals tats

¹ Sch’il testader n’ha ni descendents ni ertavels dal tschep dals geniturs, va l’ierta al tschep dals tats.

² Sch’ils tats da la vart paterna e materna survivan il testader, ertan tuttas duas varts parts egualas.

³ Il tat predefunct u la tatta predefuncta vegn represchent da ses descendents, e quai en tut ils grads tenor tscheps.

⁴ Sch’il tat u sche la tatta da la vart paterna u materna è gia mort e n’ha nagins descendents, va l’entira mesadad als auters ertavels existents da la medema vart.

⁵ Sche la vart paterna u materna n’ha nagins ertavels, va l’entira ierta als ertavels da l’autra vart.