Art. 444 B. Examinaziun da la cumpetenza
1 L’autoritad per la protecziun da creschids examinescha d’uffizi sia cumpetenza.
2 Sch’ella chatta ch’ella na saja betg cumpetenta, transferescha ella la chaussa immediatamain a l’autoritad ch’ella resguarda sco cumpetenta.
3 Sch’ella ha dubis davart sia cumpetenza, tschertga ella in barat d’opiniuns cun l’autoritad, che vegn en dumonda dad esser cumpetenta.
4 Sch’i na po betg vegnir cuntanschì in consentiment malgr il barat d’opiniuns, suttametta l’autoritad ch’è sa fatschentada l’emprim cun la chaussa la dumonda davart sia cumpetenza a l’instanza giudiziala da recurs.
Es besteht kein Anspruch auf Aktualität und Vollständigkeit/Richtigkeit.
