LEI Art. 41b - Post per la producziun dals documents da legitimaziun biometrics

Einleitung zur Rechtsnorm LEI:

Art. 41b ⁽¹⁾ Post per la producziun dals documents da legitimaziun biometrics

¹ Il post ch’è incumbens cun la producziun dals documents da legitimaziun biometrics e las interpresas generalas involvidas ston cumprovar:

² Persunas cun dretgs economics, possessurs da quotas, commembers dal cussegl d’administraziun, d’in auter organ cumparegliabel u da la direcziun sco er autras persunas che han u che pudessan avair ina influenza decisiva sin l’interpresa u sin la producziun dals documents da legitimaziun da persunas estras, ston avair ina buna reputaziun. I pon vegnir fatgas controllas da segirezza en il senn da l’artitgel 6 da l’Ordinaziun dals 19 da december 2001 ⁽²⁾ davart las controllas da segirezza da persunas.

³ Il SEM po dumandar da tut temp ils documents ch’èn necessaris per controllar las pretensiuns tenor ils alineas 1 e 2. Sch’il post da producziun fa part d’ina gruppa d’interpresas, valan questas pretensiuns per l’entira gruppa.

⁴ Las disposiziuns dals alineas 1–3 èn applitgablas per ils furniturs da servetschs e da rauba, sche las prestaziuns furnidas han ina impurtanza decisiva per la producziun dals documents d’identitad.

⁵ Il Cussegl federal fixescha las ulteriuras pretensiuns per il post da producziun, per las interpresas generalas sco er per ils furniturs da servetschs e da rauba.