DO Art. 407 -

Einleitung zur Rechtsnorm DO:

Art. 407 La brev da credit ed il mandat da credit A. La brev da credit

¹ Brevs da credit, cun las qualas l’adressader incumbensescha l’adressat, cun u senza inditgar in import maximal, da pajar ad ina persuna determinada ils imports pretendids, vegnan giuditgadas tenor las prescripziuns davart il mandat e davart l’assegnaziun.

² Sch’i n’è betg inditg in import maximal, ha l’adressat – en cas da pretensiuns che na correspundan evidentamain betg a las relaziuns da las persunas pertutgadas – da communitgar quai a l’adressader e da refusar il pajament, fin ch’el ha retschavì ina directiva da quel.

³ Il mandat ch’è cuntegnì en la brev da credit vala mo alura sco accept , sch’i vegn inditg expressivamain in tschert import en l’acceptaziun.