Art. 405 A. Surpigliada da l’uffizi
1 Il procuratur s’acquista las enconuschientschas ch’èn necessarias per ademplir las incumbensas e contactescha persunalmain la persuna pertutgada.
2 Sche la curatella cumpiglia l’administraziun da la facultad, fa il procuratur en collavuraziun cun l’autoritad per la protecziun da creschids immediatamain in inventari da las valurs da facultad che ston vegnir administradas.
3 Sche las circumstanzas giustifitgeschan quai, po l’autoritad per la protecziun da creschids decretar ina inventarisaziun publica. Per ils crediturs ha quella il medem effect sco l’inventari public dal dretg d’ierta.
4 Terzas persunas èn obligadas da dar tut las infurmaziuns necessarias per l’inventarisaziun.
Es besteht kein Anspruch auf Aktualität und Vollständigkeit/Richtigkeit.
