Art. 40 (1) Pussaivladad ed effect da la retratga anticipada
1 Umens e dunnas che adempleschan las premissas per ina renta ordinaria da vegliadetgna, pon retrair la renta 1 u 2 onns pli baud. En quests cas cumenza il dretg da la renta per ils umens l’emprim di dal mais suenter ch’els han cumplenì 64 u 63 onns e per las dunnas l’emprim di dal mais suenter ch’ellas han cumplenì 63 u 62 onns. Durant il temp da la retratga anticipada da la renta na vegnan pajadas naginas rentas per uffants.
2 La renta da vegliadetgna che vegn retratga anticipadamain sco er las rentas per vaivas u vaivs e las rentas per orfens vegnan reducidas.
3 Il Cussegl federal fixescha la tariffa da reducziun tenor princips tecnics d’assicuranza. (2)
(1) Abolì tras la cifra I da la LF dals 30 da zer. 1972 (AS 1972 2483; BBl 1971 II 1057). Versiun tenor la cifra I da la LF dals 7 d’oct. 1994 (10. revisiun da la AVS), en vigur dapi il 1. da schan. 1997 (AS 1996 2466; BBl 1990 II 1).(2) Guardar disp. fin. da la midada dals 7 d’oct. 1994 a la fin da quest text.
Es besteht kein Anspruch auf Aktualität und Vollständigkeit/Richtigkeit.
