LDAu Art. 39a - Protecziun da mesiras tecnicas

Einleitung zur Rechtsnorm LDAu:

Art. 39a Protecziun da mesiras tecnicas e d’infurmaziuns per far valair dretgs Protecziun da mesiras tecnicas

¹ Mesiras tecnicas efficazias per proteger ovras ed auters objects protegids na dastgan betg vegnir guntgidas.

² Sco mesiras tecnicas efficazias en il senn da l’alinea 1 valan tecnologias ed indrizs sco controllas d’access e da reproducziun, mecanissems da codaziun, mecanissems da distorsiun ed auters mecanissems da transfurmaziun ch’èn destinads ed adattads per impedir u per restrenscher utilisaziuns scumandadas d’ovras e d’auters objects protegids.

³ Igl è scumand da fabritgar, d’importar, d’offrir, da vender u da derasar autramain, da dar en locaziun, da surlaschar per il diever, da far reclama e da posseder per intents da gudogn indrizs, products u parts integralas sco er da furnir servetschs che:

a. èn l’object d’ina promoziun da vendita, d’ina reclama u d’ina commerzialisaziun cun l’intent da guntgir mesiras tecnicas efficazias;

b. han – abstrah da guntgir mesiras tecnicas efficazias – mo in intent u in niz economic limit ; u

c. vegnan sviluppads, fabritgads, adattads u furnids principalmain per pussibilitar u per facilitar da guntgir mesiras tecnicas efficazias.

⁴ Il scumond da guntgida na po betg vegnir fatg valair envers quellas persunas che guntgeschan mesiras tecnicas efficazias exclusivamain per in’utilisaziun permessa legalmain.

Es besteht kein Anspruch auf Aktualität und Vollständigkeit/Richtigkeit.