Art. 377 A. Plan da tractament
1 Sch’ina persuna inabla da giuditgar n’è betg s’exprimida davart ses tractament en ina disposiziun dal pazient, planisescha il medi responsabel – en cas da mesiras medicalas – il tractament necessari ensemen cun la persuna ch’è autorisada da represchentar la persuna inabla da giuditgar.
2 Il medi infurmescha la persuna cun dretg da represchentanza davart tut las circumstanzas ch’èn relevantas en vista a las mesiras medicalas previsas, en spezial davart ils motivs, l’intent, la moda e maniera, las modalitads, las ristgas, ils effects secundars ed ils custs da talas, davart las consequenzas, sch’il tractament vegn tralasch , sco er davart eventualas pussaivladads da tractament alternativas.
3 Uschenavant sco pussaivel vegn er la persuna inabla da giuditgar integrada en il process da decisiun.
4 Il plan da tractament vegn adatt al svilup current.
Es besteht kein Anspruch auf Aktualität und Vollständigkeit/Richtigkeit.
