LPP Art. 37 - Furma da las prestaziuns

Einleitung zur Rechtsnorm LPP:

Art. 37 ⁽¹⁾ Furma da las prestaziuns

¹ Las prestaziuns da vegliadetgna, per survivents e d’invaliditad vegnan per regla pajadas sco renta.

² La persuna assicurada po pretender ch’in quart da ses dabun da vegliadetgna ch’è decisiv per calcular las prestaziuns da vegliadetgna effectivamain retratgas (art. 13 e 13a ⁽²⁾ ), vegnia pajada ad ella sco cumpensaziun en chapital.

³ Empè da la renta po l’instituziun da provediment pajar ina cumpensaziun en chapital, sche la renta da vegliadetgna u d’invaliditad importa main che 10 pertschient, la renta per vaivs main che 6 pertschient u la renta per orfens main che 2 pertschient da la renta minimala da vegliadetgna da la AVS.

⁴ En ses reglament po l’instituziun da provediment prevair che:

a. las persunas che han il dretg sin prestaziuns possian tscherner ina cumpensaziun en chapital empè d’ina renta da vegliadetgna, per survivents u d’invaliditad;

b. las persunas che han il dretg sin prestaziuns stoppian observar in tschert termin per far valair la cumpensaziun en chapital.

⁵ ... ⁽³⁾

⁽¹⁾ Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
⁽²⁾ L’art. 13a era previs en la 11. revisiun da la AVS dals 3 d’oct. 2003, ch’è vegnida refusada en la votaziun dal pievel dals 16 da matg 2004 (guardar BBl 2004 3943).
⁽³⁾ Abolì tras la cifra 4 da l’agiunta da la LF dals 19 da zer. 2015 (cumpensaziun dal provediment professiunal en cas da divorzi), cun effect dapi il 1. da schan. 2017 (AS 2016 2313; BBl 2013 4887).

Es besteht kein Anspruch auf Aktualität und Vollständigkeit/Richtigkeit.