LPP Art. 34a - Coordinaziun e prestaziun preliminara

Einleitung zur Rechtsnorm LPP:

Art. 34a ⁽¹⁾ Coordinaziun e prestaziun preliminara

¹ L’instituziun da provediment po reducir las prestaziuns per survivents e las prestaziuns d’invaliditad, sche quellas surpassan, ensemen cun autras prestaziun da medem gener ed intent sco er cun autras entradas imputablas, 90 pertschient dal salari che la persuna assicurada ha presumtivamain pers. ⁽²⁾

² Sche prestaziuns tenor questa lescha concurran cun prestaziuns da medem gener d’autras assicuranzas socialas, vegn applitg l’artitgel 66 alinea 2 LPGA ⁽³⁾ . Sch’i vegnan pajadas rentas per conjugals e per orfens en cas da prestaziuns da provediment insuffizientas tenor l’artitgel 54 da la Lescha federala dals 19 da zercladur 1992 ⁽⁴⁾ davart l’assicuranza militara, na dastgan las prestaziuns da questa lescha betg vegnir reducidas.

³ Per la prestaziun preliminara valan ils artitgels 70 e 71 LPGA.

⁴ La reducziun d’autras prestaziuns il mument che la vegliadetgna ordinaria da renta vegn cuntanschida, sco er la reducziun u la refusa d’autras prestaziuns en cas da culpa na ston betg vegnir cumpensadas. ⁽⁵⁾

⁵ Il Cussegl federal regla:

a. las prestaziuns e las entradas imputablas sco er il salari pers presumtivamain;

b. la calculaziun da la reducziun da las prestaziuns tenor l’alinea 1, sche autras prestaziuns tenor l’alinea 4 vegnan reducidas;

c. la coordinaziun cun diarias per persunas malsaunas. ⁽⁵⁾

⁽¹⁾ Integr tras la cifra 10 da l’agiunta da la LF dals 6 d’oct. 2000 davart la part generala dal dretg d’assicuranza sociala, en vigur dapi il 1. da schan. 2003 (AS 2002 3371; BBl 1991 II 185 910, 1994 V 921, 1999 4523).
⁽²⁾ Versiun tenor la cifra 2 da l’agiunta da la LF dals 25 da sett. 2015 (assicuranza d’accidents e prevenziun d’accidents), en vigur dapi il 1. da schan. 2017 (AS 2016 4375; BBl 2008 5395, 2014 7911).
⁽³⁾ SR 830.1
⁽⁴⁾ SR 833.1
⁽⁵⁾ ⁽⁶⁾
⁽⁶⁾ Integr tras la cifra 2 da l’agiunta da la LF dals 25 da sett. 2015 (assicuranza d’accidents e prevenziun d’accidents), en vigur dapi il 1. da schan. 2017 (AS 2016 4375; BBl 2008 5395, 2014 7911).

Es besteht kein Anspruch auf Aktualität und Vollständigkeit/Richtigkeit.