Art. 343 Obligaziun da far, da tralaschar u da tolerar insatge
1 Sche la decisiun pretenda in’obligaziun da far, da tralaschar u da tolerar insatge, po la dretgira d’execuziun ordinar:
a. ina smanatscha da chasti tenor l’artitgel 292 CP (1) ;b. ina multa disciplinara fin a 5000 francs;c. ina multa disciplinara fin a 1000 francs per mintga di che l’obligaziun n’è betg vegnida ademplida;d. ina mesira repressiva sco la confiscaziun d’ina chaussa movibla u sco la rumida d’in bain immobigliar; ue. in’execuziun d’uffizi.1bis Sche la decisiun cuntegna in scumond tenor l’artitgel 28b CCS (2) , po la dretgira d’execuziun ordinar – sin dumonda dal petent – ina surveglianza electronica tenor l’artitgel 28c CCS. (3)
2 La partida che ha pers e terzas persunas ston dar las infurmaziuns necessarias e tolerar las perquisiziuns necessarias.
3 La persuna che sto far l’execuziun po pretender l’agid da las autoritads cumpetentas.
(1) [SR 311.0]
(2) [SR 210]
(3) Integr tras la cifra I 2 da la LF dals 14 da dec. 2018 davart la meglieraziun da la protecziun da victimas da violenza, en vigur dapi il 1. da schan. 2022 ([AS 2019 2273]; [BBl 2017 7307]).
Es besteht kein Anspruch auf Aktualität und Vollständigkeit/Richtigkeit.
