DO Art. 331d -

Einleitung zur Rechtsnorm DO:

Art. 331d Promoziun da la proprietad d’abitaziuns 1. Impegnaziun ⁽¹⁾

¹ Fin 3 onns avant ch’il dretg da survegnir prestaziuns da vegliadetgna cumenza, po il lavurant impegnar ses dretg da survegnir prestaziuns da prevenziun u in import fin a l’autezza da sias prestaziuns da libra circulaziun per la proprietad d’ina abitaziun per l’agen basegn.

² L’impegnaziun è er admissibla per acquistar certificats da participaziun d’ina societad per la construcziun d’abitaziuns u participaziuns sumegliantas, sch’il lavurant utilisescha sez l’abitaziun che vegn confinanziada en questa moda.

³ Per esser valaivla sto l’impegnaziun vegnir communitgada en scrit a l’instituziun da prevenziun.

⁴ Lavurants ch’èn pli vegls che 50 onns dastgan impegnar maximalmain la prestaziun da libra circulaziun, sin la quala els avessan gì il dretg a la vegliadetgna da 50 onns, u la mesadad da la prestaziun da libra circulaziun ch’è s’accumulada il mument da l’impegnaziun.

⁵ Sch’il lavurant è marid , è l’impegnaziun mo permessa, sche ses conjugal dat ses consentiment en scrit. Sch’i n’è betg pussaivel da survegnir il consentiment u sch’il consentiment vegn refus , po il lavurant appellar a la dretgira civila. ⁽²⁾ La medema regulaziun vala per partenadis registrads. ⁽³⁾

⁶ Sch’il pegn vegn realis avant il cas da prevenziun u avant il pajament en daner blut, vegnan applitgads ils artitgels 30d, 30e, 30g ed 83a da la Lescha federala dals 25 da zercladur 1982 ⁽⁴⁾ davart la prevenziun professiunala per vegls, survivents ed invaliditad. ⁽⁵⁾

⁷ Il Cussegl federal fixescha: