Art. 323 Pajament dal salari
1 Sch’i n’èn betg vegnids concludids u sch’i n’èn betg usitads termins pli curts u auters termins e sch’i n’è betg determin insatge auter tras in contract normal u tras in contract collectiv da lavur, sto il salari vegnir paj al lavurant a la fin da mintga mais.
2 Sch’i n’è betg vegnì concludì u sch’i n’è betg usit in termin pli curt, sto la provisiun vegnir pajada a la fin da mintga mais; sch’i dovra dentant dapli che 1 mez onn per exequir tschertas fatschentas, po il pajament da la provisiun vegnir suspendì per questas fatschentas tras ina cunvegna en scrit.
3 La participaziun al resultat da la fatschenta sto vegnir pajada, uschespert che quella è vegnida eruida, il pli tard dentant 6 mais suenter la fin da l’onn da gestiun.
4 A norma da la lavur prestada sto il patrun conceder al lavurant in pajament anticip , sch’il lavurant dovra in tal pervia d’ina situaziun d’urgenza e sch’il patrun po far quai raschunaivlamain.
Es besteht kein Anspruch auf Aktualität und Vollständigkeit/Richtigkeit.
