Art. 306 Dretg dal diever da l’emprestant
1 L’emprestant dastga mo far quel diever da la chaussa emprestada che resulta tras il contract u, sch’i n’exista nagina cunvegna, quel diever che resulta tras la natira da la chaussa u tras sia destinaziun.
2 El na dastga betg surlaschar la chaussa ad in’autra persuna per il diever.
3 Sche l’emprestant cuntrafa a questas disposiziuns, è el er responsabel per la casualitad, nun ch’el possia cumprovar che la casualitad avess tutg la chaussa er, sch’el avess observ las disposiziuns.
Es besteht kein Anspruch auf Aktualität und Vollständigkeit/Richtigkeit.
