Art. 302 ... (1)
1 La procedura summarica è en spezial applitgabla per:a. decisiuns tenor la Convenziun da Den Haag dals 25 d’october 1980 (2) davart ils aspects civils dal rapiment internaziunal d’uffants e tenor la Convenziun europeica dals 20 da matg 1980 (3) davart la renconuschientscha e l’execuziun da decisiuns areguard il dretg da tgira dals uffants e davart il restabiliment dal dretg da tgira;b. il pajament d’ina contribuziun speziala en cas da basegns spezials imprevis da l’uffant (art. 286 al. 3 CCS (4) );c. l’avis als debiturs e la garanzia dal mantegniment dals uffants suenter il divorzi ordaifer in process davart l’obligaziun da mantegniment suenter il divorzi dals geniturs (art. 291 e 292 CCS).
2 Resalvadas èn las disposiziuns da la Lescha federala dals 21 da december 2007 (5) davart il rapiment internaziunal d’uffants e davart las Convenziuns da Den Haag concernent la protecziun d’uffants e da persunas creschidas.
(1) Abolì tras la cifra 2 da l’agiunta da la LF dals 20 da mars 2015 (mantegniment dals uffants), cun effect dapi il 1. da schan. 2017 ([AS 2015 4299]; [BBl 2014 529]).
(2) [SR 0.211.230.02]
(3) [SR 0.211.230.01]
(4) [SR 210]
(5) [SR 211.222.32]
Es besteht kein Anspruch auf Aktualität und Vollständigkeit/Richtigkeit.
