CCS Art. 298 -

Einleitung zur Rechtsnorm CCS:

Art. 298 A^ter. Divorzi ed autras proceduras matrimonialas ⁽¹⁾

¹ En ina procedura da divorzi u en ina procedura per la protecziun da la lètg attribuescha la dretgira la tgira genituriala exclusiva ad in genitur, sche quai è necessari per mantegnair il bainstar da l’uffant.

² Ella po er sa restrenscher a reglar la surveglianza da l’uffant, las relaziuns persunalas u la participaziun da mintga genitur a la tgira da l’uffant, sch’i na dat naginas schanzas ch’ils geniturs chattian ina cunvegna en quest reguard.

2bis Per la decisiun davart la surveglianza da l’uffant, davart las relaziuns persunalas u davart la participaziun da mintga genitur a la tgira resguarda ella il dretg da l’uffant d’avair relaziuns persunalas regularas cun tuts dus geniturs. ⁽²⁾

2ter En cas d’ina tgira genituriala cuminaivla examinescha el la pussaivladad d’ina tgira alternanta en il senn dal bainstar da l’uffant, sch’in genitur u l’uffant pretenda quai. ⁽²⁾

³ El supplitgescha l’autoritad per la protecziun d’uffants da nominar in avug per l’uffant, sche ni la mamma ni il bab na vegn en dumonda per surpigliar la tgira genituriala.