LPP Art. 26a - Cuntinuaziun provisorica da l’assicuranza e mantegniment dal dretg da prestaziun en cas che la renta da l’assicuranza d’invaliditad vegn reducida u abolida

Einleitung zur Rechtsnorm LPP:

Art. 26a ⁽¹⁾ Cuntinuaziun provisorica da l’assicuranza e mantegniment dal dretg da prestaziun en cas che la renta da l’assicuranza d’invaliditad vegn reducida u abolida

¹ Sche la renta da l’assicuranza d’invaliditad vegn reducida u abolida suenter la sminuziun dal grad d’invaliditad, resta la persuna pertutgada assicurada durant 3 onns sut las medemas cundiziuns tar l’instituziun da provediment che ha da pajar las prestaziuns, premess ch’ella saja sa participada a mesiras da reintegraziun tenor l’artitgel 8a LAI ⁽²⁾ avant la reducziun u l’aboliziun da la renta, u premess che la renta saja vegnida reducida u abolida perquai ch’ella ha recumenz cun in’activitad da gudogn u perquai ch’il grad d’occupaziun è vegnì augment .

² La garanzia tras l’assicuranza ed il dretg da prestaziun cuntinueschan, uschè ditg che la persuna assicurada retira ina prestaziun transitorica tenor l’artitgel 32 LAI.

³ Durant la cuntinuaziun da l’assicuranza e durant il mantegniment dal dretg da prestaziun po l’instituziun da provediment reducir la renta d’invaliditad tut tenor il grad d’invaliditad sminuì da la persuna assicurada, dentant mo tant enavant, sco quai che la reducziun vegn cumpensada tras entradas supplementaras da la persuna assicurada.