Art. 206 2. Part da la plivalur dal consort
1 Sch’in consort ha gid ad acquistar, a meglierar u a mantegnair objects da facultad da l’auter senza cuntraprestaziun correspundenta e sch’igl exista ina plivalur il mument da la liquidaziun, correspunda sia pretensiun a la part da sia contribuziun ed ella vegn calculada tenor la valur actuala dals objects da facultad; sch’i resulta percunter ina valur reducida, correspunda la pretensiun a la contribuziun prestada.
2 Sch’in da quests objects da facultad è vegnì vendì avant, vegn la pretensiun calculada tenor il retgav ch’è vegnì cuntanschì tar la vendita ed ella sto vegnir pajada immediatamain.
3 Cun ina cunvegna en scrit pon ils consorts excluder u midar la part da la plivalur.
Es besteht kein Anspruch auf Aktualität und Vollständigkeit/Richtigkeit.
