Art. 20 Bunificaziun per l’agen diever
1 L’utilisaziun da l’ovra en in circul privat tenor l’artitgel 19 alinea 1 litera a na sto betg vegnir bunifitgada cun resalva da l’alinea 3.
2 Tgi che reproducescha ovras en ina moda u l’autra per l’agen diever tenor l’artitgel 19 alinea 1 litera b u litera c u sco terz tenor l’artitgel 19 alinea 2, debitescha a l’autur ina bunificaziun per quai.
3 Tgi che producescha u importa cassettas vidas ed auters portatuns u videos adattads per registrar ovras, debitescha a l’autur ina bunificaziun per l’utilisaziun da l’ovra tenor l’artitgel 19.
4 Ils dretgs da bunificaziun pon vegnir fatgs valair mo da societads da gestiun admessas.
Es besteht kein Anspruch auf Aktualität und Vollständigkeit/Richtigkeit.
