Art. 2 (1) Assicuranza obligatorica dals lavurants e dals dischoccupads
1 Lavurants ch’èn pli vegls che 17 onns e che retiran d’in patrun in salari annual da passa 21 510 francs (2) (art. 7), èn suttamess a l’assicuranza obligatorica.
2 Sch’il lavurant è occup durant main che 1 onn tar in patrun, vala sco salari annual il salari ch’el survegniss, sch’el fiss occup durant l’entir onn.
3 Persunas che retiran diarias da l’assicuranza cunter la dischoccupaziun èn suttamessas a l’assicuranza obligatorica per las ristgas mort ed invaliditad.
4 Il Cussegl federal regla l’assicuranza obligatorica da las persunas che lavuran en professiuns cun engaschaments che midan savens u en professiuns da durada limitada. El fixescha, tge lavurants che n’èn, per motivs spezials, betg suttamess a l’assicuranza obligatorica.
(1) Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).(2) Import tenor l’art. 5 da l’O dals 18 d’avr. 1984 davart il provediment professiunal per vegls, survivents ed invaliditad en la versiun da la midada dals 14 d’oct. 2020, en vigur dapi il 1. da schan. 2021 (AS 2020 4621).
Es besteht kein Anspruch auf Aktualität und Vollständigkeit/Richtigkeit.
