Art. 174 b. Retratga da l’autorisaziun da represchentanza
1 Sch’in consort surpassa sia autorisaziun per la represchentanza da la cuminanza conjugala u sch’el sa mussa dad esser inabel da l’exequir, po la dretgira – sin dumonda da l’auter consort – retrair ad el dal tuttafatg u per part l’autorisaziun da represchentanza.
2 Il consort che fa la dumonda dastga communitgar la retratga a terzas persunas mo cun in avis persunal.
3 Vers terzas persunas da buna fai vala la retratga mo, sche quella è vegnida publitgada sin ordinaziun da la dretgira.
Es besteht kein Anspruch auf Aktualität und Vollständigkeit/Richtigkeit.
