Art. 147 Diever abusiv d’in indriz d’elavuraziun da datas
1 Tgi che ha, cun l’intenziun d’enritgir sasez u in auter en moda illegala, faschond diever da datas en moda nuncorrecta, incumpletta u betg permessa u en moda sumeglianta, influenz in process d’elavuraziun da datas electronic u in process sumegliant ubain in process da transmissiun da datas ed ha qua tras chaschun in transferiment da facultad per donn d’in auter u ha zuppent in transferiment da facultad directamain suenter quai, vegn chasti cun in chasti da detenziun da fin 5 onns u cun in chasti pecuniar.
2 Sch’il delinquent agescha da professiun, vegn el chasti cun in chasti da detenziun da 6 mais fin 10 onns. (1)
3 Il diever abusiv d’in indriz d’elavuraziun da datas a disfavur d’in parent u d’in confamigliar vegn persequit mo sin basa d’in plant.
(1) Versiun tenor la cifra I 1 da la LF dals 17 da dec. 2021 davart l’armonisaziun dal rom penal, en vigur dapi il 1. da fan. 2023 (AS 2023 259; BBl 2018 2827).Es besteht kein Anspruch auf Aktualität und Vollständigkeit/Richtigkeit.
