BV Art. 130 - Taglia sin la plivalur ⁽²⁾ *

Einleitung zur Rechtsnorm BV:

Art. 130 ⁽¹⁾ Taglia sin la plivalur ⁽²⁾ *

¹ La Confederaziun po incassar ina taglia sin la plivalur cun ina taxa normala da maximalmain 6,5 pertschient ed ina taxa reducida d’almain 2,0 pertschient sin furniziuns d’objects e sin prestaziuns da servetsch inclusiv per agen diever sco er sin imports.

² La lescha po fixar per la taxaziun da las prestaziuns dal sectur d’alloschament ina taxa tranter la taxa reducida e la taxa normala. ⁽³⁾

³ Sche la finanziaziun da l’assicuranza per vegls, survivents ed invalids n’è betg pli garantida pervia dal svilup da la structura da vegliadetgna, po la taxa normala vegnir auzada cun ina lescha federala per maximalmain 1 pertschient e la taxa reducida per maximal 0,3 pertschient. ⁽⁴⁾

3bis Per finanziar l’infrastructura da viafier vegnan augmentadas las tariffas per 0,1 puncts procentuals. ⁽⁵⁾

3ter Per garantir la finanziaziun da l’assicuranza per vegls e survivents augmenta il Cussegl federal la tariffa normala per 0,4 puncts procentuals sco er la tariffa reducida e la tariffa speziala per prestaziuns d’alloschament per mintgamai 0,1 puncts procentuals, premess ch’il princip da l’unificaziun da la vegliadetgna da referenza da las dunnas e dals umens en l’assicuranza per vegls e survivents vegnia franc en la lescha. ⁽⁶⁾

3quater Il retgav da l’augment tenor l’alinea 3^ter vegn attribuì cumplainamain al Fond da cumpensaziun da l’assicuranza per vegls e survivents. ⁽⁶⁾

⁴ 5 pertschient dal retgav betg li ad in intent vegn impundì per la reducziun da las premias en l’assicuranza da malsauns a favur da las classas d’entradas bassas, sch’i na vegn betg fixada tras la lescha in’autra utilisaziun per distgargiar las classas d’entradas bassas.