Art. 128 Disciplina en la procedura e process da levsenn
1 Tgi che violescha las reglas da maniera u disturba l’andament da la procedura davant dretgira, vegn chasti cun ina reprimanda u cun ina multa disciplinara fin a 1000 francs. Ultra da quai po la dretgira ordinar che questa persuna vegnia exclusa da la tractativa.
2 Per exequir sias ordinaziuns po la dretgira clamar la polizia.
3 En cas da process che vegnan manads da mala fai u da levsenn pon las partidas e lur represchentants vegnir chastiads cun ina multa disciplinara fin a 2000 francs ed en cas da repetiziun fin a 5000 francs.
4 Cunter la multa disciplinara pon ins far recurs.
Es besteht kein Anspruch auf Aktualität und Vollständigkeit/Richtigkeit.
