Art. 120 Ulteriuras cuntravenziuns
1 Cun ina multa vegn chasti , tgi che – intenziunadamain u per negligientscha:a. violescha las obligaziuns d’annunziar l’arrivada u la partenza (art. 10–16);b. mida la plazza u mida d’ina activitad da gudogn dependenta ad in’activitad da gudogn independenta, e quai senza la permissiun necessaria (art. 38);c. transferescha ses lieu da domicil en in auter chantun senza la permissiun necessaria (art. 37);d. n’observa betg cundiziuns ch’èn colliadas cun la permissiun (art. 32, 33 e 35);e. n’ademplescha betg l’obligaziun da cooperar tar la procuraziun dals documents da legitimaziun (art. 90 lit. c);f. (1) violescha l’obligaziun d’annunzia tenor l’artitgel 85a alineas 2 e 3bis u n’observa betg las cundiziuns da l’annunzia (art. 85a al. 2–3bis);g. (2) s’oppona a la controlla tras in organ da controlla tenor l’artitgel 85a alinea 4 u impedescha tala.
2 En cas da cuntravenziuns cunter las disposiziuns executivas da questa lescha po il Cussegl federal prevair multas da fin 5000 francs.
(1) Integr tras la cifra I da la LF dals 16 da dec. 2016 (integraziun) ([AS 2017 6521]; [BBl 2013 2397], [2016 2821]). Versiun tenor la cifra I da la LF dals 17 da dec. 2021 (restricziuns per viadis a l’exteriur ed adattaziuns dal status da l’admissiun provisorica), en vigur dapi il 1. da zer. 2024 ([AS 2024 188]; [BBl 2020 7457]).
(2) Integr tras la cifra I da la LF dals 16 da dec. 2016 (integraziun), en vigur dapi il 1. da schan. 2019 ([AS 2017 6521], [2018 3171]; [BBl 2013 2397], [2016 2821]).
Es besteht kein Anspruch auf Aktualität und Vollständigkeit/Richtigkeit.
