Art. 119 Dumonda e procedura
1 La dumonda da giurisdicziun gratuita po vegnir fatga avant u suenter l’entrada da la litispendenza.
2 Il petent sto infurmar davart sias entradas e facultads e s’exprimer tant davart la chaussa sco er davart sias cumprovas. En la dumonda po el designar il num da l’assistent giuridic giavisch .
3 La dretgira decida davart la dumonda en ina procedura summarica. La cuntrapartida po vegnir tadlada. Ella sto adina vegnir tadlada, sche la giurisdicziun gratuita duai cumpigliar la prestaziun da la segirezza per l’indemnisaziun da la partida.
4 Excepziunalmain po la giurisdicziun gratuita vegnir concedida retroactivamain.
5 En la procedura da meds legals sto la giurisdicziun gratuita vegnir dumandada da nov.
6 Cun excepziun da mala fai e da levsenn na vegnan incassads nagins custs da dretgira en la procedura da giurisdicziun gratuita.
Es besteht kein Anspruch auf Aktualität und Vollständigkeit/Richtigkeit.
