LEI Art. 115 - Entrada, partenza u dimora illegala, activitad da gudogn senza permissiun

Einleitung zur Rechtsnorm LEI:

Art. 115 Entrada, partenza u dimora illegala, activitad da gudogn senza permissiun

¹ Cun in chasti da detenziun da fin 1 onn u cun in chasti pecuniar vegn chasti , tgi che:

² La persuna estra vegn chastiada cun il medem chasti, sch’ella entra u fa preparaziuns per entrar en il territori naziunal d’in auter stadi suenter la partenza da la Svizra u da las zonas da transit internaziunalas da las plazzas aviaticas, e quai violond las disposiziuns d’entrada che valan en l’auter stadi. ⁽¹⁾

³ Il chasti è ina multa, sche l’autur dal delict ha agì per negligientscha.

⁴ Sch’ina procedura da spedida u d’expulsiun è pendenta, vegn sistida ina procedura penala ch’è vegnida instradada unicamain sin fundament d’in malfatg tenor l’alinea 1 litera a, b u e, fin che la procedura da spedida u d’expulsiun è terminada cun vigur legala. Sch’ina procedura da spedida u d’expulsiun è previsa, po vegnir sistida la procedura penala. ⁽²⁾

⁵ Sche la pronunzia u l’execuziun d’in chasti pervia d’in malfatg tenor l’alinea 1 litera a, b u d impedescha l’execuziun immediata d’ina spedida u d’ina expulsiun legalmain valaivla, desista l’autoritad cumpetenta d’ina persecuziun penala, d’ina consegna a la dretgira u d’ina puniziun. ⁽³⁾

⁶ Ils alineas 4 e 5 na valan betg, sche la persuna pertutgada ha cuntrafatg al scumond d’entrar en Svizra ed è danovamain entrada en Svizra u sch’ina spedida u in’expulsiun n’ha betg pudì vegnir exequida pervia da ses cumportament. ⁽³⁾