LEI Art. 111d - Communicaziun da datas ad ulteriurs stadis

Einleitung zur Rechtsnorm LEI:

Art. 111d Communicaziun da datas ad ulteriurs stadis

¹ Ad ulteriurs stadis dastgan datas da persunas vegnir communitgadas mo, sch’els garanteschan in nivel da protecziun da datas adequat tenor l’artitgel 16 alinea 1 LPD ⁽¹⁾ . ⁽²⁾

² Sch’in ulteriur stadi na garantescha betg in nivel da protecziun da datas adequat, al pon vegnir communitgadas datas da persunas en ils suandants cas:

a. la persuna pertutgada ha d ses consentiment tenor l’artitgel 6 alinea 6 ed eventualmain alinea 7 LPD;

b. la communicaziun è necessaria per proteger la vita u l’integritad corporala da la persuna pertutgada ed i n’è betg pussaivel da survegnir ses consentiment entaifer in termin adequat;

c. la communicaziun è necessaria per proteger interess publics predominants u per constatar, exequir u far valair dretgs davant dretgira u davant in’autra autoritad estra cumpetenta. ⁽²⁾

³ Ultra dals cas numnads en l’alinea 2 pon datas da persunas er vegnir communitgadas, sche garanzias suffizientas permettan en il cas singul che la persuna pertutgada saja protegida adequatamain.

⁴ Il Cussegl federal fixescha la dimensiun da las garanzias che ston vegnir prestadas e las modalitads per prestar questas garanzias.

⁵ Las datas che derivan da la banca da datas Eurodac na dastgan vegnir transmessas sut naginas circumstanzas:

a. ad in stadi che n’è betg li tras ina da las cunvegnas d’associaziun a la reglamentaziun da Dublin;

b. ad organisaziuns internaziunalas;

c. a posts privats. ⁽⁴⁾

⁽¹⁾ SR 235.1
⁽²⁾ ⁽³⁾
⁽³⁾ Versiun tenor la cifra II 4 da l’agiunta 1 da la LF dals 25 da sett. 2020 davart la protecziun da datas, en vigur dapi il 1. da sett. 2023 (AS 2022 491; BBl 2017 6941).
⁽⁴⁾ Integr tras la cifra 1 da l’agiunta dal COF dals 26 da sett. 2014 (surpigliada da l’Ordinaziun [UE] nr. 603/2013 davart la constituziun d’Eurodac sco er davart la midada da l’Ordinaziun [UE] nr. 1077/2011 pertutgant la constituziun da l’Agentura IT), en vigur dapi ils 20 da fan. 2015 (AS 2015 2323; BBl 2014 2675).

Es besteht kein Anspruch auf Aktualität und Vollständigkeit/Richtigkeit.