DO Art. 1116 -

Einleitung zur Rechtsnorm DO:

Art. 1116 Preschentaziun per il pajament

¹ In schec, ch’è emess e ch’è pajabel en il medem pajais, sto vegnir preschent per il pajament entaifer 8 dis.

² In schec, ch’è pajabel en in auter pajais ch’en quel, en il qual el è vegnì emess, sto vegnir preschent entaifer 20 dis, sch’il lieu d’emissiun e sch’il lieu da pajament sa chattan sin il medem continent, ed entaifer 70 dis, sch’il lieu d’emissiun e sch’il lieu da pajament sa chattan sin differents continents.

³ En quest connex valan ils schecs ch’èn vegnids emess en in pajais da l’Europa e ch’èn pajabels en in pajais che cunfina cun la Mar mediterrana sco er ils schecs ch’èn vegnids emess en in pajais che cunfina cun la Mar mediterrana e ch’èn pajabels en in pajais da l’Europa sco schecs, ch’èn emess e ch’èn pajabels sin il medem continent.

⁴ Ils termins menziunads qua survart cumenzan a currer il di ch’è inditg sin il schec sco di d’emissiun.