Art. 1103 Necessitad da garanzia
1 In schec dastga mo vegnir emess, sche l’emittent posseda in dabun tar il trass e confurm ad ina cunvegna explicita u taciturna, tenor la quala l’emittent ha il dretg da disponer da quest dabun tras schecs. La valaivladad dal document sco schec na vegn dentant betg pertutgada, sche questas prescripziuns na vegnan betg resguardadas.
2 Sche l’emittent po disponer mo d’in import parzial tar il trass , è il trass oblig da pajar quest import.
3 Tgi che emetta in schec senza esser autoris da disponer da l’import inditg tar il trass , sto pajar al possessur dal schec – ultra dal donn chaschun – 5 pertschient da l’import betg cuvrì da la summa inditgada.
Es besteht kein Anspruch auf Aktualität und Vollständigkeit/Richtigkeit.
