LEI Art. 109b - Sistem naziunal da visums

Einleitung zur Rechtsnorm LEI:

Art. 109b ⁽¹⁾ Sistem naziunal da visums

¹ Il SEM maina in sistem naziunal da visums. Il sistem serva a registrar las dumondas da visums ed ad emetter ils visums concedids da la Svizra. El cuntegna en spezial las datas che vegnan transmessas sur l’interfatscha naziunala (N-VIS) al C-VIS.

² Il sistem naziunal da visums cuntegna las suandantas categorias da datas:

a. las datas alfanumericas davart las persunas che dumondan visums sco er davart ils visums dumandads, concedids, refusads, annullads, revocads u prolungads;

b. las fotografias e las improntas dals dets da las persunas che dumondan visums;

c. las colliaziuns tranter tschertas dumondas da visums da las persunas che dumondan visums;

d. ⁽²⁾ las datas dal RIPOL sco er dal ASF-SLTD, a las qualas las autoritads da visums han access;

e. ⁽³⁾ las datas dal SIS, a las qualas las autoritads da visums han access, uschenavant ch’ina publicaziun tenor l’Ordinaziun (UE) 2018/1861 ⁽⁴⁾ u tenor l’Ordinaziun (UE) 2018/1860 ⁽⁵⁾ è avant maun.

2bis Il sistem naziunal da visums cuntegna ultra da quai in subsistem electronic cun ils dossiers da las persunas che han dumand visums. ⁽²⁾

³ Il SEM, las represchentanzas svizras a l’exteriur e las missiuns, las autoritads chantunalas da migraziun cumpetentas per visums e las autoritads communalas, a las qualas ils chantuns han deleg questas cumpetenzas, il Secretariat da stadi e la Direcziun politica dal DFAE sco er il Corp da guardias da cunfin ed ils posts da cunfin da las autoritads chantunalas da polizia, che concedan ils visums excepziunals, pon endatar, midar u stizzar datas en il sistem d’infurmaziun per ademplir las incumbensas necessarias en il rom da la procedura da visums. ⁽⁷⁾ Las datas che vegnan transmessas al CVIS ston els endatar ed elavurar a norma da l’Ordinaziun (CE) nr. 767/2008 ⁽⁸⁾ .

⁽¹⁾ Integr tras l’art. 2 cifra 1 dal COF dals 11 da dec. 2009 davart l’approvaziun e la realisaziun dals barats da notas tranter la Svizra e la UE concernent la surpigliada da l’ordinaziun e dal conclus davart il sistem d’infurmaziun per ils visums (VIS), en vigur dapi ils 20 da schan. 2014 (AS 2010 2063, 2014 1; BBl 2009 4245).
⁽²⁾ ⁽⁶⁾
⁽³⁾ Integr tras la cifra I da la LF dals 20 da zer. 2014 (violaziun da l’obligaziun da diligenza e d’annunzia tras las interpresas d’aviatica; sistems d’infurmaziun) (AS 2015 3023; BBl 2013 2561). Versiun tenor la cifra 1 da l’agiunta 1 dal COF dals 18 da dec. 2020 davart l’approvaziun e la realisaziun dals barats da notas tranter la Svizra e la UE concernent la surpigliada da las basas giuridicas davart l’instituziun, il manaschi e l’utilisaziun dal sistem d’infurmaziun da Schengen (SIS), en vigur dapi ils 22 da nov. 2022 (AS 2021 365; 2022 636; BBl 2020 3465).
⁽⁴⁾ Guardar annotaziun da l’art. 68a al. 2.
⁽⁵⁾ Guardar annotaziun da l’art. 68e al. 2.
⁽⁶⁾ Integr tras la cifra I da la LF dals 20 da zer. 2014 (violaziun da l’obligaziun da diligenza e d’annunzia tras las interpresas d’aviatica; sistems d’infurmaziun), en vigur dapi il 1. d’oct. 2015 (AS 2015 3023; BBl 2013 2561).
⁽⁷⁾ Versiun tenor la cifra I da la LF dals 26 da sett. 2014, en vigur dapi il 1. da mars 2015 (AS 2015 533; BBl 2014 3373).
⁽⁸⁾ Ordinaziun (CE) nr. 767/2008 dal Parlament europeic e dal Cussegl dals 9 da fan. 2008 davart il sistem d’infurmaziun per ils visums (VIS) ed il barat da datas tranter ils stadis commembers concernent visums per ina dimora curta (Ordinaziun VIS), ABl. L 218 dals 13 d’avust 2008, p. 60.

Es besteht kein Anspruch auf Aktualität und Vollständigkeit/Richtigkeit.