DO Art. 1052 -

Einleitung zur Rechtsnorm DO:

Art. 1052 Enritgiment nungiustifitg

¹ Uschenavant che l’emittent d’ina cambiala e che l’acceptader èn s’enritgids nungiustifitgadamain sin donn e cust dal possessur da la cambiala, èn els obligads vers quel, er sche l’obligaziun che sa basa sin la cambiala è extinguida en consequenza da prescripziuns e pervia da la tralaschada d’acts che vegnan prescrits da la lescha per mantegnair ils dretgs che derivan da la cambiala.

² Il plant pervia d’enritgiment nungiustifitg po er vegnir purt cunter il trass , cunter il domiciliatari e cunter la persuna u cunter la firma, per il quint da la quala l’emittent ha tratg la cambiala.

³ In tal plant na po dentant betg vegnir purt cunter ils indossants, dals quals l’obligaziun che sa basa sin la cambiala è extinguida.