LEI Art. 104c - Access a las datas dals passagiers en il cas singul

Einleitung zur Rechtsnorm LEI:

Art. 104c ⁽¹⁾ Access a las datas dals passagiers en il cas singul

¹ Per realisar la controlla da cunfin, per cumbatter cunter la migraziun illegala e per exequir spedidas ston las interpresas d’aviaziun metter a disposiziun a las autoritads ch’èn cumpetentas per la controlla da cunfin – sin dumonda – las glistas da passagiers.

² Las glistas da passagiers ston cuntegnair las suandantas datas:

a. il num, il prenum, l’adressa, la data da naschientscha, la naziunalitad ed il numer dal passaport dals passagiers;

b. la plazza aviatica da partenza da l’aviun, las plazzas aviaticas da transit e la plazza aviatica da destinaziun;

c. il biro da viadi, sur il qual il sgol è vegnì reserv .

³ L’obligaziun da metter a disposiziun las glistas da passagiers finescha 6 mais suenter la data dal sgol.

⁴ Las autoritads responsablas per la controlla da cunfin stizzan las datas entaifer 72 uras suenter ch’ellas han survegnì las datas.

⁽¹⁾ Oriundamain: art. 104b. Integr tras la cifra I da la LF dals 20 da zer. 2014 (violaziun da l’obligaziun da diligenza e d’annunzia tras las interpresas d’aviatica; sistems d’infurmaziun), en vigur dapi il 1. d’oct. 2015 (AS 2015 3023; BBl 2013 2561).

Es besteht kein Anspruch auf Aktualität und Vollständigkeit/Richtigkeit.