LEI Art. 103a - Sistem d’infurmaziun davart las entradas refusadas

Einleitung zur Rechtsnorm LEI:

Art. 103a ⁽¹⁾ Sistem d’infurmaziun davart las entradas refusadas

¹ Il SEM maina in sistem d’infurmaziun intern davart las entradas refusadas tenor l’artitgel 65 (sistem INAD). Il sistem INAD serva a realisar las sancziuns en cas da violaziun da l’obligaziun da diligenza tenor l’artitgel 122a sco er a far statisticas.

² Il sistem cuntegna las suandantas datas da persunas, a las qualas l’entrada en il territori da Schengen è vegnida refusada:

a. il num, il prenum, la schlattaina, la data da naschientscha e la naziunalitad;

b. indicaziuns davart il sgol;

c. indicaziuns davart il motiv, per il qual l’entrada è vegnida refusada;

d. indicaziuns davart la procedura pervia da violaziun da l’obligaziun da diligenza tenor l’artitgel 122a en connex cun la persuna pertutgada.

³ Las datas registradas en il sistem vegnan anonimisadas suenter 2 onns.

⁴ A chaschun dal passagi dal cunfin pon las datas dal passaport biometric u da la charta da participaziun vegnir cumparegliadas cun il sistem informatis da retschertga da la polizia (RIPOL) e cun il SIS. ⁽²⁾

⁽¹⁾ Oriundamain: art. 103b. Integr tras la cifra I da la LF dals 20 da zer. 2014 (violaziun da l’obligaziun da diligenza e d’annunzia tras las interpresas d’aviatica; sistems d’infurmaziun), en vigur dapi il 1. d’oct. 2015 (AS 2015 3023; BBl 2013 2561).
⁽²⁾ Integr tras la cifra 1 da l’agiunta 1 dal COF dals 18 da dec. 2020 davart l’approvaziun e la realisaziun dals barats da notas tranter la Svizra e la UE concernent la surpigliada da las basas giuridicas davart l’instituziun, il manaschi e l’utilisaziun dal sistem d’infurmaziun da Schengen (SIS), en vigur dapi ils 22 da nov. 2022 (AS 2021 365; 2022 636; BBl 2020 3465).

Es besteht kein Anspruch auf Aktualität und Vollständigkeit/Richtigkeit.