Art. 1030 Pajament anticip e pajament a la scadenza
1 Il possessur da la cambiala n’è betg oblig d’acceptar il pajament avant sia scadenza.
2 Il trass che paja avant la scadenza, fa quai sin atgna ristga.
3 Tgi che paja il mument da la scadenza, vegn deliber da sia obligaziun, nun ch’ins al possia rinfatschar mala fai u gronda negligientscha. El è oblig da controllar la regularitad da la cuntinuitad dals indossaments, dentant betg las suttascripziuns dals indossants.
Es besteht kein Anspruch auf Aktualität und Vollständigkeit/Richtigkeit.
