LEI Art. 102b - Controlla da l’identitad dal possessur d’in document da legitimaziun

Einleitung zur Rechtsnorm LEI:

Art. 102b ⁽¹⁾ Controlla da l’identitad dal possessur d’in document da legitimaziun

¹ Las suandantas autoritads han il dretg da leger las datas ch’èn arcunadas sin il chip per controllar l’identitad dal possessur d’in document da legitimaziun u per controllar l’autenticitad da quest document:

a. il corp da guardias da cunfin;

b. las autoritads chantunalas e communalas da polizia;

c. las autoritads chantunalas e communalas da migraziun.

² Il Cussegl federal po autorisar las interpresas d’aviaziun, ils gestiunaris da plazzas aviaticas sco er auters posts che ston verifitgar l’identitad d’ina persuna, da leger las improntas dals dets ch’èn registradas sin il chip da datas.

⁽¹⁾ Integr tras l’art. 2 cifra I dal COF dals 18 da zer. 2010 (ulteriur svilup dal possess actual da Schengen ed introducziun da las datas biometricas en ils documents da legitimaziun da persunas estras), en vigur dapi ils 24 da schan. 2011 (AS 2011 175; BBl 2010 51).

Es besteht kein Anspruch auf Aktualität und Vollständigkeit/Richtigkeit.