LEI Art. 102 - Registraziun da datas per l’identificaziun e per la determinaziun da la vegliadetgna ⁽¹⁾

Einleitung zur Rechtsnorm LEI:

Art. 102 Registraziun da datas per l’identificaziun e per la determinaziun da la vegliadetgna ⁽¹⁾

¹ En connex cun la controlla da las premissas per entrar en Svizra sco er cun proceduras tenor il dretg da persunas estras po l’autoritad cumpetenta registrar ed arcunar en cas singuls datas biometricas da persunas estras per intents d’identificaziun. Per tschertas categorias da persunas pon las datas vegnir registradas ed arcunadas sistematicamain. ⁽²⁾

1bis Sch’i dat indizis ch’ina persuna estra che pretenda dad esser minorenna haja gia cuntanschì la maiorennitad, pon las autoritads cumpetentas laschar far in’expertisa per determinar la vegliadetgna. ⁽³⁾

² Il Cussegl federal fixescha, tge categorias da persunas che vegnan registradas sistematicamain e tge datas biometricas che ston vegnir registradas tenor l’alinea 1, ed el regla l’access. ⁽²⁾