Art. 1015 Furma da l’acceptaziun
1 La decleraziun d’acceptaziun vegn scritta sin la cambiala. Ella vegn exprimida cun il pled «accept » u cun in auter pled equivalent; ella sto vegnir suttascritta dal trass . La simpla suttascripziun dal trass sin la vart davant da la cambiala vala sco acceptaziun.
2 Sche la cambiala è pajabla a vista per in tschert temp u sch’ella sto vegnir preschentada per l’acceptaziun entaifer in tschert termin en consequenza d’ina retratga speziala, sto la decleraziun d’acceptaziun inditgar la data dal di cur ch’ella è vegnida fatga, nun ch’il possessur pretendia l’indicaziun dal di da la preschentaziun. Sche quest di n’è betg inditg , sto il possessur laschar constatar questa mancanza ad ura cun ina protesta, per uschia salvar ses dretg da regress cunter ils indossaments e cunter l’emittent.
Es besteht kein Anspruch auf Aktualität und Vollständigkeit/Richtigkeit.
